News Portal

के तपाईलाई निद्रा नलाग्ने समस्या छ ? यसो गर्नुहोस् मिठो निन्द्रा लाग्छ

काठमाडौँ । आजभोलि निद्रा नलाग्ने समस्या आम मानिसमा रहेको पाइन्छ । निद्रा नलाग्ने धेरै कारण हुन्छन् । उठ्ने र सुत्ने समयको टुंगो नहुने मानिसमा निद्रा लाग्दैन । यति मात्रै होइन, मोटोपन, डिप्रेसन, मधुमेहलगायतका समस्या भएका मानिसलाई पनि निद्रा लाग्दैन । उमेरले २० वर्षको हाराहारीमा रहेको एक स्वस्थ व्यक्ति दिनमा आठ घन्टा सुत्नुपर्ने हुन्छ ।

तर, जति उमेर बढ्दै जान्छ, त्यति निद्रा घट्दै जान्छ । उमेरअनुसार मस्तिष्कको परिपक्वता बढ्दै जाने भएकाले निद्रा पनि उमेरअनुसार फरक पर्ने हुन्छ । निद्रा लागेन भन्दै स्लिपिङ ट्याब्लेट खानु भने हुँदैन ।

निद्रा नलागेर हैरान हुनुहुन्छ​ भने यस्ता उपाय अपनाउनुहोस् :

–मधुरो प्रकाश बालेर सुत्न ओछ्यानमा जानुभयो भने सजिलोसँग निद्रा पर्छ ।

-आफूलाई सहज हुने गरी सुत्नुहोस् । आफू सुत्ने बिस्तारा नमिलेको खण्डमा पनि निद्रा लाग्दैन ।

-सुत्ने वेलामा पानी पिउनु ठीक भए पनि धेरै पानी पिउँदा राति पिसाब लाग्छ र निद्रा बिग्रन्छ ।

–ओछ्यानमा पल्टिएपछि मोबाइल चलाउँदा निद्रा लाग्दैन । त्यसैले मोबाइल स्विच अफ गरेर अथवा मोबाइल साइलेन्समा राखेर सुत्नुपर्छ ।

–सधैँ एकै समयमा सुत्ने र उठ्ने बानी बसाले अनिद्राको समस्या हट्दै जान्छ ।

–सुत्नुअघि कडा व्यायाम गरे शरीरमा रक्तसञ्चार तीव्र हुन्छ । जसले गर्दा निद्रा लाग्दैन । त्यही भएर सुत्नुभन्दा कम्तीमा चार घण्टाअघि मात्रै व्यायाम गर्नुपर्छ ।

–राति अघाउँजी खाने बानी छ भने त्यो सुधार्नुहोस् । तरकारी, दाल, फलफूल, सलाद, दूधजस्ता हलुका खानाले राति मीठो निद्रा लगाउँछ ।

Leave A Reply

Your email address will not be published.