News Portal

रिना बस्नेत हत्याकाण्डःअतिरन्जित हेडलाईन दिएर प्रकाशन भएका समाचारप्रति जिल्ला प्रहरी कार्यालय मोरङद्धारा विज्ञप्ति जारी

बैशाख १३ मोरङ। मोरङको पथरीमा आफ्नै डेराअगाडि मृत फेला परेकी रिना बस्नेतको मृत्युको विषयलाई अतिरन्जित हेडलाईन दिएर समाचार प्रकाशन भएको भन्दै प्रहरीले  विज्ञप्ति जारी गरेको छ ।

अतिरन्जित हेडलाईन दिएर प्रकाशन भएका समाचारप्रति जिल्ला प्रहरी कार्यालय मोरङको गम्भीर ध्यानआकर्षण भएको विज्ञप्तिमा उल्लेख गरिएको छ।

‘मृतकको लाश उक्त घटनास्थलमा ठेलामा राखी फालेको सीसीटीभीमा देखियो’ जस्ता शीर्षक राखी तथ्यहीन, कपोकल्पित र मनगणन्ते तवरबाट समाचार प्रकाशन गर्दा यसले आम जनमानसको सत्य तथ्य समाचार प्राप्त गर्न पाउनुपर्ने सूचना सम्बन्धि मौलिक हकको समेत हनन् भएको उल्लेख छ ।

एकजना महिलाको मृत्यू भएको संवेदनशील विषयमा अनर्गल रूपमा सामाजिक सद्भाव भड्काउने उदेश्यले दुष्प्रचार गर्ने गैरजिम्मेवार मिडियामाथि समेत निगरानी बढाईएको भन्दै पत्रकारलाई धम्कीपुर्ण शव्द राखेर प्रहरीले विज्ञप्ती जारी गरेको छ ।

रिना हत्याकाण्डमा प्रहरीको भुमिकालाई लिएर विभिन्न कोण बाट प्रश्न उठिरहेका बेला प्रहरीको धम्कीपुर्ण विज्ञप्तीले थप संशय पैदा गराइदिएको छ ।

 

 

यो पनि हेर्नुहोसः

Leave A Reply

Your email address will not be published.