News Portal

मन्त्री अधिकारीसहित सबै शवको मुचुल्का बनाएर काठमाडौँ ल्याउने

दुर्घटना अपडेट : मन्त्री अधिकारीसहित सबै शवको मुचुल्का बनाएर काठमाडौँ ल्याउने तयारीडिसी नेपाल , १६ फाल्गुन २०७५

सुकेटार । नेपाली सेनाले हेलिकप्टर दुर्घटनामा परी निधन भएका बाँकी तीन जनाको शव अहिले सुकेटार विमानस्थल ल्याइपुर्याएको छ। 

बुधबार साँझ दुर्घटनास्थलबाट सेनाको हेलिकोप्टरले हुक गरेर चार शव सुकेटार विमानस्थलमा ल्याएपछि वर्षा र हिउँका कारण अन्य शव उठाउने कार्य प्रभावित भएको थियो। 

विमानस्थल क्षेत्रमा पुनः मौसम बिग्रेको छ। यसले गर्दा शव काठमाडौँ ल्याउन मौसममा सुधार नआउन्जेलसम्म पर्खनुपर्नेछ। 

संस्कृति, पर्यटन तथा नागरिक उड्डयनमन्त्री रवीन्द्र अधिकारीलगायत हेलिकप्टर दुर्घटनामा परी मृत्यु भएकाहरू सबै शवको विमानस्थलमा मुचुल्का गरी आजै काठमाडौँ पठाइने प्रमुख जिल्ला अधिकारी अनुज भण्डारीले राससलाई जानकारी दिए। 

काठमाडौँबाट तेह्रथुमको चुहानडाँडामा विमानस्थलको सम्भाव्यता अध्ययनका लागि मन्त्री अधिकारीसहितको टोली कार्यक्रम सकेर पाथीभरा हुँदै काठमाडौँ फर्किने क्रममा बुधबार ताप्लेजुङको दारेभीरमा दुर्घटनामा परेको थियो। 

Leave A Reply

Your email address will not be published.